Мектебімізде өткен жаңа жыл

Жаңа жыл – әлемдегі қуанышқа толы ең ғажайып мерекелердің бірі. Бәріміз келе жатқан жаңа жылдан жарқын ертегі, жаңа бақыт күтеміз. Мектебімізде өткен жаңа жылдық шыршалардың мақсаты да оқушыларға осындай ерекше жайдарлы көңіл-күй сыйлау болды. Сол себепті оқушыларымыз үшін қызықты бағдарлама ұйымдастырылып, түрлі байқаулар ойнатылды. Мектебіміздің басшысы ұстаздар мен ата-аналарды, оқушыларды Жаңа жыл мерекесімен құттықтап, «Шиелер», «Гүлге қонған аралар», «Балапандар» биі биленді. Жаңа жылдық шыршаға келген оқушылар түрлі маскарадтық костюмдар киіп, ән шырқап, тақпақтар арнап, шыршаны көңілді ән ырғағында айналды. Аяз ата мен Ақшақар оқушыларға арнайы тәтті сыйлықтар таратып, жаңа жылдық көңіл-күй сыйлады.
Осылайша мектебіміздегі Жаңа жылдық мереке жоспарға сай, жоғарғы деңгейде өткізілді.
Алдағы жаңа жылда оқушыларымызға жаңа табыстарға жете берсін деп тілейміз!