Мектебімізде Тіл мерекесі апталығы болып өтті.

Осыдан тура 27 жыл бұрын – 1989 жылы 22 қыркүйек күні "Тіл туралы" заң қабылданды. Осыған орай мектебімізде Тіл мерекесі апталығы болып өткен еді. Аталған апталық қазақ тілі бірлестігінің ұйымдастыруымен «Ыбырай – балалар әдебиетінің атасы» тақырыбында ұлы ағартушының өміріне арналған шарадан бастау алды. Бұл шара 5-6 сыныптар аралығында болып, 5-ші сынып оқушылары Ыбырай атамыздың әңгімелерінен көрініс көрсетсе, ал 6-шы сынып оқушылары өлеңдерін нақышына келтіріп жатқа айтты. Тәрбиелік мәні бар бұл шара Ыбырай Алтынсариннің өзіндік қалдырған ізімен, өскелең ұрпақтың еш есінен кетпестей ұстаздың жолына арнаған өмірін әңгімелеумен қорытындыланды.